Hindi Ko Alam

May mga bagay na sadyang hindi madaling unawain at ipaunawa.

Sa buhay ko may mga pangyayari at pagkakataon na nararanasan ko ito.Subalit pilit kong inuunawa ang bagay na ganito. Maraming tanong ang kailangan ng kasagutan subalit hindi sa lahat ng pagkakataon ay kaagad agad na masasagot ang mga tanong na itinatanong, kinakailangan din namang pag-isipang mabuti bago mo sagutin ang mga iyon.

Isang umaga ang muli kong nasilayan nang ako'y magising sa aking pagkakatulog.At sa aking paggising agad kong inalala ang aking panaginip, may maganda at masama man sa aking panaginip, panaginip pa din iyon. May mga napasaisip akong tanong bakit, sino, ano, at kung anu ano pang tanong hindi ko alam kung bakit, siguro ay dala ng aking panaginip na mahirap paniwalaan kung bakit ko iyon napanaginipan. Simpleng bagay para sa karamihan ang magkwento pa ng tungkol sa panaginip, walang katotohanan,binabalewala at wala lang para sa iba. Subalit para sa akin iba, sapagkat alam kong may dahilan kung bakit ko napanaginip ang mga iyon. Dahilan na hindi agad-agad nalalaman kung bakit. Sa puntong ito tanging iyon lang ang aking maibabahagi isang panaginip, at kung ano man ang nakapaloob dito ay sa tamang panahon ko na lamang ikwekwento. Hindi ko pa kasi alam kung paano ko ikwekwento sa inyo. Basta ang alam ko nanaginip ako ng isang makahulugang panaginip.

Sa pagpapatuloy ko sa aking araw simula ng magising ako sa araw na iyon ay dahan-dahan kong nakalimutan ang bagay na napanaginipan ko, iniisang tabi ko na lang muna sapagkat may mga bagay pa rin naman akong dapat gawin at tapusin.Mahilig akong magkwento sa mga nangyayari sa buhay ko, paggising ko pa lang ay nagkwekwento na ako at kahit panaginip nagagawa kong ibahagi sa kanila. Subalit sa pagkakataong ito ay hindi ko alam kung ikwekwento ko pa iyon, siguro ay mas makakabuti pang hindi na lamang o pwede din namang oo pero, hindi, hindi ko alam kung paano, sa takdang panahon na lamang siguro. Hindi ko naman iyon nasarili e sapagkat naikwento ko na iyon sa Kanya. Buwan ng Nobyembre nang maranasan kong managinip ng ganoon. May mga bagay na hindi ko alam kung bakit nangyayari at nararanasan ko mahirap ipaliwanag subalit may mga dahilang kaakibat iyon. At kung ano man iyon ay hindi ko alam sa ngayon.